Os colexios e institutos de Tui, Tomiño, O Rosal e Oia volveron sumarse, un ano máis, á campaña solidaria de recollida de alimentos destinados a preparar almorzos e merendas para as familias que atende a Asociación Asistencial SOS Tomiño Baixo Miño.
Esta iniciativa solidaria, que xa se converteu nunha cita habitual nos centros educativos da comarca, busca contribuír a cubrir as necesidades básicas das familias que están a atravesar unha situación de dificultade, facendo especial fincapé na alimentación dos máis pequenos.
Desde a Asociación Asistencial SOS Tomiño Baixo Miño queremos expresar o noso máis sincero agradecemento a todo o alumnado, ás familias, aos equipos directivos e ao profesorado pola súa implicación e colaboración nesta campaña.
Un ano máis, a solidariedade da comunidade educativa demostra que, coa participación de todos, podemos chegar a quen máis o necesita.
Grazas por sumar, por colaborar e por facer posible que quen o precisa teña o que necesita.