A Asociación Asistencial SOS Tomiño Baixo Miño e a Residencia San Telmo de Tui veñen de renovar o seu convenio de colaboración, unha relación de cooperación social que se mantén desde o ano 2021 e que ambas entidades continúan reforzando co obxectivo de mellorar a atención ás persoas.
Este convenio nace coa finalidade de establecer un marco de colaboración mutua entre ambas institucións, favorecendo o traballo conxunto, a cooperación e o desenvolvemento de accións que contribúan ao benestar das persoas usuarias.
Desde que comezaron a colaborar en 2021, ambas entidades veñen sumando esforzos e recursos, convencidas de que o traballo en rede e a colaboración entre organizacións sociais son fundamentais para ofrecer unha atención máis próxima, integral e de maior calidade.
A renovación deste acordo supón, polo tanto, dar continuidade a unha relación baseada no compromiso social, na cooperación e na vontade compartida de seguir traballando polas persoas.
Porque o verdadeiro resultado desta colaboración é unha mellor atención ás persoas, que son sempre o centro e a razón de ser do traballo de ambas entidades.