A Asociación Asistencial SOS Tomiño Baixo Miño realizou durante o mes de outubro dúas xornadas de reparto de alimentos, os sábados 11 e 25, destinadas ás familias en situación de vulnerabilidade dos concellos de Oia, O Rosal, Tomiño e Tui.
En total, nas dúas xornadas entregáronse 6.831 unidades de alimentos ás familias atendidas pola entidade, co obxectivo de contribuír a cubrir as súas necesidades básicas e apoiar a aquelas persoas que atravesan maiores dificultades económicas.
Con esta iniciativa, a Asociación Asistencial SOS Tomiño Baixo Miño continúa desenvolvendo o seu labor social e solidario na comarca do Baixo Miño, reafirmando o seu compromiso coas familias e coa atención ás persoas que máis o necesitan.
A entidade agradece a colaboración e o apoio de todas as persoas e institucións que fan posible continuar con este labor solidario.
